ایک ڈراؤنا خواب

میں بیٹھ کر اپنا ہوم ورک کر رہی تھی. اچانک ایک زوردار آواز آی. یوں لگا جیسے کوئی دھماکا  ہوا ہو. میں اٹھ کھڑی ہوئی اور میں نے ڈرتے ڈرتے گھر کے گیٹ تک کا سفر طے کیا اور وہاں سے باہر جھانکنے کی ہمت بھی کی. سڑک پر بوہت سی لاشیں، خون میں لت پت پڑی  ہوئی تھیں. میں سر کے بل واپس کمرے کی طرف بھاگی اور میں نے اپنے کمرے کا دروازا بند کر لیا.
ابھی مجھے کچھ ہی دیر ہوئی تھی ہانپتے کانپتے جب مجھے کسی کے دھاڑیں مار مار کر رونے کی آواز آئ. کوئی مدد کےلئے چلّا رہا تھا. میں دوبارہ باہر نہیں جانا چھاتی تھی لیکن ڈر اور اضطراب کی ایک عجیب کیفیت مجھے پھر سے باہر کی جانب لے چلی.

گھر کا دروازہ کھولنے پر میں نے دیکھا کہ ایک عورت ایک لاش کے پاس بیٹھی بین کر رہی تھی. اس کی حالت بوہت خستہ تھی. اس کہ بال سفید اور بکھرے ہوے تھے. اس کے کپڑے نہایت ڈھیلے اور پرانے نظر آ رہے تھے. اس کے جھریوں بھرے چہرے  پر چمکتے آنسو انگنت تھے. میں ابھی اس کا جائزہ ہی لے رہی تھی جب اس نے اپنی لال آبدیدہ آنکھوں سے مجھے دیکھا. وہ اٹھی اور میری طرف بڑھنے لگی. مجھے چاہنے کے باوجود اس سے کوئی ہمدردی محسوس  نہیں ہو رہی تھی، لیکن میرا خوف وہ تھا کہ کم ہونے کا نام ہی نہیں لے رہا تھا! اب وہ عورت بالکل نزدیک کھڑی تھی اور عجیب حیبت ناک طریقے سے مسکرا رہی تھی. میں ساکت کھڑی رہی، میں چللانا چاہتی تھی مگر میری مدد کو کون آتا؟ وہ مردہ لاشیں؟

اچانک اس عورت نے میری طرف ہاتھ بڑھایا اور میرے گلے کو اپنی گرفت میں لے لیا. میں اس کے ہاتھوں کو نوچنے لگی. میری سانس بس اب کسی بھی لمحے روکنے والی تھی. یہ سوچنا ہی تھا کہ اس عورت کی گرفت تھوڑی ہلکی پڑی. میری آنکھوں کے آگے اندھیرا چھا گیا، یوں لگا جیسے میں کھائی میں گر رہی ہوں...

میری آنکھ کھل گئی! اپنے آپ کو ایک بار پھر بستر سے نیچے پا کر مجھے بےساختہ ہنسی آ گئی!

So this was my first Urdu writing worth sharing, enjoy!